* * *
Ti erdhe apo u ktheve?
Unë të hënave s’dashurohem
Ti të hënave dashurohesh
Ti nga erdhe kthehu.
Ti qëndro shumë ose pak
Unë nuk të detyroj
Ti ndjehesh detyruar
Ti qëndro shumë pak.
Ti ikën apo unë të largoj?
Unë jetoj në ty
Ti varrosesh në mua
Ti ik nga un larguar.
***
* * *
Të humba.
Të humbur të harrova.
Pse erdhe?
Të humbur të kujtova.
Shko.
Të shkuarën s’e kërkova.
Ik.
Un ikjen e jetova.
Mos vdis.
Un korbin e dëgjova.
Pse erdhe?
Përgjigjmu!
Un po harroja…
***
***
***
Mos më mendo.
Shko shkuar shekujve.
Faqet fort frymo.
Skalite në tinguj përdhunimin
Se më nuk shoh.
Mos më mendo më.
Shko shekujve shkuar.
Frymo faqet fort.
Mblidhi ato allçi zemre
Se nuk ka më gjak.
Mos më mendo.
Lere peshën e shekujve të shtypë
E ti fryj erë.
