Trupin në valë

emrin në flakë

Dardania plakë.

Në valë nuk mbytet

në flakë-nuk kallet

jeton-nuk ndalet.

Në gjak-ujitur

plagosur në zemër

prapë jeton-ka emër.

Erdhi nëpër furtunë

trupin-flori

emrin-LIRI.

Iliria,
përgëzime të sinçerta për vargjet e mrekullueshme dhe idetë që ke.
Ti vetë je zemra dhe shpirti i at-mëmëdheut  të cilin aq shumë e do.
Uroj që sa më shpejt të çmallësh dhe lirshëm të frymosh në ajrin e freskët e të pastërt të Dardanisë tuaj.
Me respekt nga xhaxhi Adem.

Flm,shumë baca  Adem,të jam mirënjohës për këto fjali të ngrohëta që më dërgon.Rrofsh sa malet bacë i nderuar.

NË PREKAZ

ZË  FILL LIRIA

Kosovë-zemra e  Dardanisë

shumë pushtues të janë vardisë

saherë ata janë dalldisë

grusht të rëndë kanë marrë n´Drenicë

edhe tash-një shekull pas

iu bë varri në  Prekaz

në Prekaz u mund robëria

në Prekaz zë fill  Liria

Jasharajt matën trimërinë

pa pushtues e bënë Shqipërinë.

POETI

Nuk e di

nëse trupi i pikon gjak

brenda tij

kallet një oxhak!

Në mes mallit e dhembjes

unë që kallet

digjet në heshtje-bëhet prush

dhembjet e tij

s´i kupton askush!...

NDARJA

Grumbuj kujtimesh

rrjedhin nëpër mote

prej zemrës sime

deri te zemra jote.

PLAGË NË ZEMËR

Kam një plagë

më djeg shumë

më djeg zgjuar

më djeg në gjumë.

Më djeg në zemër

e dashur nënë

më dhemb në shpirt

e dashur Dardanë.

PLAGË

Katërcipërisht

i sëmurë shpirtërisht

molla piqet në gemb

malli pikon në zemër.

Koha ecën

malli vendnumëron

vjen vjeshta

molla pikon.

Shpirti plot plagë

shkon dimri,vjen pranvera

kopshti gufon e yshtet

zemra lëngon e ndryshket.

KU TRETI FËMIJËRIA

Në këtë tokë

me emrin kurbet

dita zgjat

njëqind vjet.

Dielli zhduket

thell nën re

zemra digjet

për Atdhe.

Vitet ikin

kurrë nuk kthehen

vret kujtimi

shpresat thehen.

Do të kthehem

atje të pi ujë

nuk rron zemra

në trup të huaj.